Ezekiel 32:21–23

²¹Loquentur ei potentissimi robustorum de medio inferni,

qui cum auxiliatoribus ejus descenderunt,

et dormierunt incircumcisi interfecti gladio.

²²Ibi Assur, et omnis multitudo ejus:

in circuitu illius sepulchra ejus,

omnes interfecti, et qui ceciderunt gladio.

²³Quorum data sunt sepulchra in novissimis laci,

et facta est multitudo ejus per gyrum sepulchri ejus:

universi interfecti, cadentesque gladio,

qui dederant quondam formidinem in terra viventium.