Gratias agimus Deo, et Patri Domini nostri Jesu Christi semper pro vobis orantes: ⁴audientes fidem vestram in Christo Jesu, et dilectionem quam habetis in sanctos omnes ⁵propter spem, quæ reposita est vobis in cælis: quam audistis in verbo veritatis Evangelii: ⁶quod pervenit ad vos, sicut et in universo mundo est, et fructificat, et crescit sicut in vobis, ex ea die, qua audistis, et cognovistis gratiam Dei in veritate, ⁷sicut didicistis ab Epaphra carissimo conservo nostro, qui est fidelis pro vobis minister Christi Jesu, ⁸qui etiam manifestavit nobis dilectionem vestram in spiritu. ⁹Ideo et nos ex qua die audivimus, non cessamus pro vobis orantes, et postulantes ut impleamini agnitione voluntatis ejus, in omni sapientia et intellectu spiritali: ¹⁰ut ambuletis digne Deo per omnia placentes: in omni opere bono fructificantes, et crescentes in scientia Dei:

Read in Logos

Colossians 1:10: … so as to walk in a manner worthy of the Lord, fully pleasing to him, bearing fruit in every good work and increasing in the knowledge of God.

Public Domain