Psalm 24:4–9

DARBY

ARA

ASV

ABSVD

CSB

VGCLEM

D-R

ELB 1905

Clementine Vulgate

4 Confundantur omnes iniqua agentes supervacue.

Vias tuas, Domine, demonstra mihi,

et semitas tuas edoce me.

5 Dirige me in veritate tua, et doce me,

quia tu es Deus salvator meus,

et te sustinui tota die.

6 Reminiscere miserationum tuarum, Domine,

et misericordiarum tuarum quæ a sæculo sunt.

7 Delicta juventutis meæ, et ignorantias meas, ne memineris.

Secundum misericordiam tuam memento mei tu,

propter bonitatem tuam, Domine.

8 Dulcis et rectus Dominus;

propter hoc legem dabit delinquentibus in via.

9 Diriget mansuetos in judicio;

docebit mites vias suas.