2 Si cœperimus loqui tibi, forsitan moleste accipies;

sed conceptum sermonem tenere quis poterit?

3 Ecce docuisti multos,

et manus lassas roborasti;

4 vacillantes confirmaverunt sermones tui,

et genua trementia confortasti.

5 Nunc autem venit super te plaga, et defecisti;

tetigit te, et conturbatus es.

6 Ubi est timor tuus, fortitudo tua,

patientia tua, et perfectio viarum tuarum?