5 Prope est justus meus, egressus est salvator meus,

et brachia mea populos judicabunt;

me insulæ exspectabunt,

et brachium meum sustinebunt.

6 Levate in cælum oculos vestros,

et videte sub terra deorsum:

quia cæli sicut fumus liquescent,

et terra sicut vestimentum atteretur,

et habitatores ejus sicut hæc interibunt:

salus autem mea in sempiternum erit,

et justitia mea non deficiet.