1 Locutus est autem David Domino verba carminis hujus in die qua liberavit eum Dominus de manu omnium inimicorum suorum, et de manu Saul. 2 Et ait:

Dominus petra mea, et robur meum, et salvator meus.

3 Deus fortis meus: sperabo in eum;

scutum meum, et cornu salutis meæ:

elevator meus, et refugium meum;

salvator meus: de iniquitate liberabis me.

4 Laudabilem invocabo Dominum,

et ab inimicis meis salvus ero.