1 Peter 2:13–19

¹³Subjecti igitur estote omni humanæ creaturæ propter Deum: sive regi quasi præcellenti: ¹⁴sive ducibus tamquam ab eo missis ad vindictam malefactorum, laudem vero bonorum: ¹⁵quia sic est voluntas Dei, ut benefacientes obmutescere faciatis imprudentium hominum ignorantiam: ¹⁶quasi liberi, et non quasi velamen habentes malitiæ libertatem, sed sicut servi Dei. ¹⁷Omnes honorate: fraternitatem diligite: Deum timete: regem honorificate.

¹⁸Servi, subditi estote in omni timore dominis, non tantum bonis et modestis, sed etiam dyscolis. ¹⁹Hæc est enim gratia, si propter Dei conscientiam sustinet quis tristitias, patiens injuste.