³Tradidi enim vobis in primis quod et accepi: quoniam Christus mortuus est pro peccatis nostris secundum Scripturas: ⁴et quia sepultus est, et quia resurrexit tertia die secundum Scripturas: ⁵et quia visus est Cephæ, et post hoc undecim: ⁶deinde visus est plus quam quingentis fratribus simul: ex quibus multi manent usque adhuc, quidam autem dormierunt: ⁷deinde visus est Jacobo, deinde Apostolis omnibus: ⁸novissime autem omnium tamquam abortivo, visus est et mihi. ⁹Ego enim sum minimus Apostolorum, qui non sum dignus vocari Apostolus, quoniam persecutus sum ecclesiam Dei. ¹⁰Gratia autem Dei sum id quod sum, et gratia ejus in me vacua non fuit, sed abundantius illis omnibus laboravi: non ego autem, sed gratia Dei mecum: ¹¹sive enim ego, sive illi: sic prædicamus, et sic credidistis.

Read in Logos

1 Corinthians 15:10: But by the grace of God I am what I am, and his grace toward me was not in vain. On the contrary, I worked harder than any of them, though it was not I, but the grace of God that is with me.

Public Domain