Luke 21:29–38

²⁹και ειπεν παραβολην αυτοις ιδετε την συκην και παντα τα δενδρα

³⁰οταν προβαλωσιν ηδη βλεποντες αφ εαυτων γινωσκετε οτι ηδη εγγυς το θερος εστιν

³¹ουτως και υμεις οταν ιδητε ταυτα γινομενα γινωσκετε οτι εγγυς εστιν η βασιλεια του θεου

³²αμην λεγω υμιν οτι ου μη παρελθη η γενεα αυτη εως αν παντα γενηται

³³ο ουρανος και η γη παρελευσονται οι δε λογοι μου ου μη παρελθωσιν

³⁴προσεχετε δε εαυτοις μηποτε βαρυνθωσιν υμων αι καρδιαι εν κραιπαλη και μεθη και μεριμναις βιωτικαις και αιφνιδιος εφ υμας επιστη η ημερα εκεινη

³⁵ως παγις γαρ επελευσεται επι παντας τους καθημενους επι προσωπον πασης της γης

³⁶αγρυπνειτε ουν εν παντι καιρω δεομενοι ινα καταξιωθητε εκφυγειν ταυτα παντα τα μελλοντα γινεσθαι και σταθηναι εμπροσθεν του υιου του ανθρωπου

³⁷ην δε τας ημερας εν τω ιερω διδασκων τας δε νυκτας εξερχομενος ηυλιζετο εις το ορος το καλουμενον ελαιων

³⁸και πας ο λαος ωρθριζεν προς αυτον εν τω ιερω ακουειν αυτου