Song of Solomon 5:1–2

¹Veniat dilectus meus in hortum suum,

et comedat fructum pomorum suorum.

Veni in hortum meum, soror mea, sponsa;

messui myrrham meam cum aromatibus meis;

comedi favum cum melle meo;

bibi vinum meum cum lacte meo;

comedite, amici, et bibite,

et inebriamini, carissimi.

²Ego dormio, et cor meum vigilat.

Vox dilecti mei pulsantis:

Aperi mihi, soror mea, amica mea,

columba mea, immaculata mea,

quia caput meum plenum est rore,

et cincinni mei guttis noctium.