Sirach 15:16–21

¹⁶Si volueris mandata servare, conservabunt te,

et in perpetuum fidem placitam facere.

¹⁷Apposuit tibi aquam et ignem,

ad quod volueris porrige manum tuam.

¹⁸Ante hominem vita et mors, bonum et malum:

quod placuerit ei dabitur illi:

¹⁹quoniam multa sapientia Dei, et fortis in potentia,

videns omnes sine intermissione.

²⁰Oculi Domini ad timentes eum,

et ipse agnoscit omnem operam hominis.

²¹Nemini mandavit impie agere,

et nemini dedit spatium peccandi: