²Absit. Qui enim mortui sumus peccato, quomodo adhuc vivemus in illo? ³an ignoratis quia quicumque baptizati sumus in Christo Jesu, in morte ipsius baptizati sumus? ⁴Consepulti enim sumus cum illo per baptismum in mortem: ut quomodo Christus surrexit a mortuis per gloriam Patris, ita et nos in novitate vitæ ambulemus. ⁵Si enim complantati facti sumus similitudini mortis ejus: simul et resurrectionis erimus. ⁶Hoc scientes, quia vetus homo noster simul crucifixus est, ut destruatur corpus peccati, et ultra non serviamus peccato. ⁷Qui enim mortuus est, justificatus est a peccato. ⁸Si autem mortui sumus cum Christo, credimus quia simul etiam vivemus cum Christo, ⁹scientes quod Christus resurgens ex mortuis jam non moritur: mors illi ultra non dominabitur. ¹⁰Quod enim mortuus est peccato, mortuus est semel: quod autem vivit, vivit Deo. ¹¹Ita et vos existimate vos mortuos quidem esse peccato, viventes autem Deo, in Christo Jesu Domino nostro.

Read in Logos

Romans 6:4: We were buried therefore with him by baptism into death, in order that, just as Christ was raised from the dead by the glory of the Father, we too might walk in newness of life.

Public Domain