Psalm 133:1–134:3

1 Canticum graduum.

Ecce nunc benedicite Dominum, omnes servi Domini:

qui statis in domo Domini,

in atriis domus Dei nostri.

2 In noctibus extollite manus vestras in sancta,

et benedicite Dominum.

3 Benedicat te Dominus ex Sion,

qui fecit cælum et terram.

134 1 Alleluja.

Laudate nomen Domini;

laudate, servi, Dominum:

2 qui statis in domo Domini,

in atriis domus Dei nostri.

3 Laudate Dominum, quia bonus Dominus;

psallite nomini ejus, quoniam suave.