Proverbs 28:5–9

5 Viri mali non cogitant judicium;

qui autem inquirunt Dominum animadvertunt omnia.

6 Melior est pauper ambulans in simplicitate sua

quam dives in pravis itineribus.

7 Qui custodit legem filius sapiens est;

qui autem comessatores pascit confundit patrem suum.

8 Qui coacervat divitias usuris et fœnore,

liberali in pauperes congregat eas.

9 Qui declinat aures suas ne audiat legem,

oratio ejus erit execrabilis.