Proverbs 26:17–23

17 Sicut qui apprehendit auribus canem,

sic qui transit impatiens et commiscetur rixæ alterius.

18 Sicut noxius est qui mittit sagittas et lanceas in mortem,

19 ita vir fraudulenter nocet amico suo,

et cum fuerit deprehensus dicit: Ludens feci.

20 Cum defecerint ligna extinguetur ignis,

et susurrone subtracto, jurgia conquiescent.

21 Sicut carbones ad prunas, et ligna ad ignem,

sic homo iracundus suscitat rixas.

22 Verba susurronis quasi simplicia,

et ipsa perveniunt ad intima ventris.

23 Quomodo si argento sordido ornare velis vas fictile,

sic labia tumentia cum pessimo corde sociata.