Nahum 3:15–17

15 Ibi comedet te ignis,

peribis gladio, devorabit te ut bruchus:

congregare ut bruchus,

multiplicare ut locusta.

16 Plures fecisti negotiationes tuas quam stellæ sint cæli;

bruchus expansus est, et avolavit.

17 Custodes tui quasi locustæ,

et parvuli tui quasi locustæ locustarum,

quæ considunt in sepibus in die frigoris:

sol ortus est, et avolaverunt,

et non est cognitus locus earum ubi fuerint.