¹²Tunc accedentes discipuli ejus, dixerunt ei: Scis quia pharisæi audito verbo hoc, scandalizati sunt? ¹³At ille respondens ait: Omnis plantatio, quam non plantavit Pater meus cælestis, eradicabitur. ¹⁴Sinite illos: cæci sunt, et duces cæcorum; cæcus autem si cæco ducatum præstet, ambo in foveam cadunt. ¹⁵Respondens autem Petrus dixit ei: Edissere nobis parabolam istam. ¹⁶At ille dixit: Adhuc et vos sine intellectu estis? ¹⁷Non intelligitis quia omne quod in os intrat, in ventrem vadit, et in secessum emittitur? ¹⁸Quæ autem procedunt de ore, de corde exeunt, et ea coinquinant hominem: ¹⁹de corde enim exeunt cogitationes malæ, homicidia, adulteria, fornicationes, furta, falsa testimonia, blasphemiæ: ²⁰hæc sunt, quæ coinquinant hominem. Non lotis autem manibus manducare, non coinquinat hominem.

Read in Logos

Public Domain