Mark 13:14–19

¹⁴Cum autem videritis abominationem desolationis stantem, ubi non debet, qui legit, intelligat: tunc qui in Judæa sunt, fugiant in montes: ¹⁵et qui super tectum, ne descendat in domum, nec introëat ut tollat quid de domo sua: ¹⁶et qui in agro erit, non revertatur retro tollere vestimentum suum. ¹⁷Væ autem prægnantibus et nutrientibus in illis diebus.

¹⁸Orate vero ut hieme non fiant. ¹⁹Erunt enim dies illi tribulationes tales quales non fuerunt ab initio creaturæ, quam condidit Deus usque nunc, neque fient.