²Et vidit duas naves stantes secus stagnum: piscatores autem descenderant, et lavabant retia. ³Ascendens autem in unam navim, quæ erat Simonis, rogavit eum a terra reducere pusillum. Et sedens docebat de navicula turbas.

⁴Ut cessavit autem loqui, dixit ad Simonem: Duc in altum, et laxate retia vestra in capturam. ⁵Et respondens Simon, dixit illi: Præceptor, per totam noctem laborantes nihil cepimus: in verbo autem tuo laxabo rete. ⁶Et cum hoc fecissent, concluserunt piscium multitudinem copiosam: rumpebatur autem rete eorum. ⁷Et annuerunt sociis, qui erant in alia navi, ut venirent, et adjuvarent eos. Et venerunt, et impleverunt ambas naviculas, ita ut pene mergerentur. ⁸Quod cum vidisset Simon Petrus, procidit ad genua Jesu, dicens: Exi a me, quia homo peccator sum, Domine. ⁹Stupor enim circumdederat eum, et omnes qui cum illo erant, in captura piscium, quam ceperant: ¹⁰similiter autem Jacobum et Joannem, filios Zebedæi, qui erant socii Simonis. Et ait ad Simonem Jesus: Noli timere: ex hoc jam homines eris capiens. ¹¹Et subductis ad terram navibus, relictis omnibus, secuti sunt eum.

Read in Logos

Luke 5:5: And Simon answered, “Master, we toiled all night and took nothing! But at your word I will let down the nets.”

Public Domain