⁴⁴Et dixit ad eos: Hæc sunt verba quæ locutus sum ad vos cum adhuc essem vobiscum, quoniam necesse est impleri omnia quæ scripta sunt in lege Moysi, et prophetis, et Psalmis de me. ⁴⁵Tunc aperuit illis sensum ut intelligerent Scripturas, ⁴⁶et dixit eis: Quoniam sic scriptum est, et sic oportebat Christum pati, et resurgere a mortuis tertia die: ⁴⁷et prædicari in nomine ejus pœnitentiam, et remissionem peccatorum in omnes gentes, incipientibus ab Jerosolyma. ⁴⁸Vos autem testes estis horum. ⁴⁹Et ego mitto promissum Patris mei in vos; vos autem sedete in civitate, quoadusque induamini virtute ex alto.

⁵⁰Eduxit autem eos foras in Bethaniam, et elevatis manibus suis benedixit eis. ⁵¹Et factum est, dum benediceret illis, recessit ab eis, et ferebatur in cælum. ⁵²Et ipsi adorantes regressi sunt in Jerusalem cum gaudio magno: ⁵³et erant semper in templo, laudantes et benedicentes Deum. Amen.

Read in Logos

Luke 24:52–53: And they worshiped him and returned to Jerusalem with great joy, and were continually in the temple blessing God.

Public Domain