⁴⁷Væ vobis, qui ædificatis monumenta prophetarum: patres autem vestri occiderunt illos. ⁴⁸Profecto testificamini quod consentitis operibus patrum vestrorum: quoniam ipsi quidem eos occiderunt, vos autem ædificatis eorum sepulchra. ⁴⁹Propterea et sapientia Dei dixit: Mittam ad illos prophetas, et apostolos, et ex illis occident, et persequentur: ⁵⁰ut inquiratur sanguis omnium prophetarum, qui effusus est a constitutione mundi a generatione ista, ⁵¹a sanguine Abel, usque ad sanguinem Zachariæ, qui periit inter altare et ædem. Ita dico vobis, requiretur ab hac generatione.

Read in Logos

Public Domain