John 13:16–20

¹⁶Amen, amen dico vobis: non est servus major domino suo: neque apostolus major est eo qui misit illum. ¹⁷Si hæc scitis, beati eritis si feceritis ea. ¹⁸Non de omnibus vobis dico: ego scio quos elegerim; sed ut adimpleatur Scriptura: Qui manducat mecum panem, levabit contra me calcaneum suum. ¹⁹Amodo dico vobis, priusquam fiat: ut cum factum fuerit, credatis quia ego sum. ²⁰Amen, amen dico vobis: qui accipit si quem misero, me accipit; qui autem me accipit, accipit eum qui me misit.