Joel 2:6–9

6 A facie ejus cruciabuntur populi;

omnes vultus redigentur in ollam.

7 Sicut fortes current;

quasi viri bellatores ascendent murum:

viri in viis suis gradientur,

et non declinabunt a semitis suis.

8 Unusquisque fratrem suum non coarctabit,

singuli in calle suo ambulabunt;

sed et per fenestras cadent, et non demolientur.

9 Urbem ingredientur, in muro current,

domos conscendent, per fenestras intrabunt quasi fur.