Job 19:8–12

8 Semitam meam circumsepsit, et transire non possum:

et in calle meo tenebras posuit.

9 Spoliavit me gloria mea,

et abstulit coronam de capite meo.

10 Destruxit me undique, et pereo:

et quasi evulsæ arbori abstulit spem meam.

11 Iratus est contra me furor ejus,

et sic me habuit quasi hostem suum.

12 Simul venerunt latrones ejus,

et fecerunt sibi viam per me,

et obsederunt in gyro tabernaculum meum.