Jeremiah 9:9–11

⁹Numquid super his non visitabo, dicit Dominus,

aut in gente hujusmodi non ulciscetur anima mea?

¹⁰Super montes assumam fletum ac lamentum,

et super speciosa deserti planctum,

quoniam incensa sunt, eo quod non sit vir pertransiens,

et non audierunt vocem possidentis:

a volucre cæli usque ad pecora transmigraverunt et recesserunt.

¹¹Et dabo Jerusalem in acervos arenæ,

et cubilia draconum:

et civitates Juda dabo in desolationem,

eo quod non sit habitator.