Jeremiah 6:22–24

22 Hæc dicit Dominus:

Ecce populus venit de terra aquilonis,

et gens magna consurget a finibus terræ.

23 Sagittam et scutum arripiet:

crudelis est et non miserebitur.

Vox ejus quasi mare sonabit:

et super equos ascendent,

præparati quasi vir ad prælium

adversum te, filia Sion.

24 Audivimus famam ejus;

dissolutæ sunt manus nostræ:

tribulatio apprehendit nos,

dolores ut parturientem.