Jeremiah 6:13–15

13 a minore quippe usque ad majorem

omnes avaritiæ student,

et a propheta usque ad sacerdotem

cuncti faciunt dolum.

14 Et curabant contritionem filiæ populi mei cum ignominia,

dicentes: Pax, pax!

et non erat pax.

15 Confusi sunt, quia abominationem fecerunt:

quin potius confusione non sunt confusi,

et erubescere nescierunt.

Quam ob rem cadent inter ruentes:

in tempore visitationis suæ corruent, dicit Dominus.