Jeremiah 6:12–15

¹²Et transibunt domus eorum ad alteros,

agri et uxores pariter,

quia extendam manum meam super habitantes terram, dicit Dominus:

¹³a minore quippe usque ad majorem

omnes avaritiæ student,

et a propheta usque ad sacerdotem

cuncti faciunt dolum.

¹⁴Et curabant contritionem filiæ populi mei cum ignominia,

dicentes: Pax, pax!

et non erat pax.

¹⁵Confusi sunt, quia abominationem fecerunt:

quin potius confusione non sunt confusi,

et erubescere nescierunt.

Quam ob rem cadent inter ruentes:

in tempore visitationis suæ corruent, dicit Dominus.