Jeremiah 51:14–16

¹⁴Juravit Dominus exercituum per animam suam:

Quoniam replebo te hominibus quasi brucho,

et super te celeuma cantabitur.

¹⁵Qui fecit terram in fortitudine sua,

præparavit orbem in sapientia sua,

et prudentia sua extendit cælos.

¹⁶Dante eo vocem, multiplicantur aquæ in cælo:

qui levat nubes ab extremo terræ,

fulgura in pluviam fecit,

et produxit ventum de thesauris suis.