Jeremiah 50:11–13

¹¹Quoniam exsultatis, et magna loquimini,

diripientes hæreditatem meam:

quoniam effusi estis sicut vituli super herbam,

et mugistis sicut tauri:

¹²confusa est mater vestra nimis,

et adæquata pulveri, quæ genuit vos:

ecce novissima erit in gentibus,

deserta, invia, et arens.

¹³Ab ira Domini non habitabitur,

sed redigetur tota in solitudinem:

omnis qui transibit per Babylonem stupebit,

et sibilabit super universis plagis ejus.