Jeremiah 46:27–28

²⁷Et tu ne timeas, serve meus Jacob,

et ne paveas, Israël:

quia ecce ego salvum te faciam de longinquo,

et semen tuum de terra captivitatis tuæ:

et revertetur Jacob, et requiescet,

et prosperabitur, et non erit qui exterreat eum.

²⁸Et tu noli timere, serve meus Jacob, ait Dominus,

quia tecum ego sum:

quia ego consumam cunctas gentes ad quas ejeci te,

te vero non consumam:

sed castigabo te in judicio,

nec quasi innocenti parcam tibi.