Jeremiah 23:19–22

¹⁹Ecce turbo Dominicæ indignationis egredietur,

et tempestas erumpens super caput impiorum veniet.

²⁰Non revertetur furor Domini,

usque dum faciat et usque dum compleat cogitationem cordis sui:

in novissimis diebus intelligetis consilium ejus.

²¹Non mittebam prophetas,

et ipsi currebant:

non loquebar ad eos,

et ipsi prophetabant.

²²Si stetissent in consilio meo,

et nota fecissent verba mea populo meo,

avertissem utique eos a via sua mala,

et a cogitationibus suis pessimis.