Jeremiah 22:20–22

²⁰Ascende Libanum, et clama,

et in Basan da vocem tuam:

et clama ad transeuntes,

quia contriti sunt omnes amatores tui.

²¹Locutus sum ad te in abundantia tua,

et dixisti: Non audiam:

hæc est via tua ab adolescentia tua,

quia non audisti vocem meam.

²²Omnes pastores tuos pascet ventus,

et amatores tui in captivitatem ibunt:

et tunc confunderis,

et erubesces ab omni malitia tua.