Jeremiah 22:10–12

¹⁰Nolite flere mortuum,

neque lugeatis super eum fletu:

plangite eum qui egreditur,

quia non revertetur ultra,

nec videbit terram nativitatis suæ.

¹¹Quia hæc dicit Dominus ad Sellum,

filium Josiæ, regem Juda,

qui regnavit pro Josia patre suo,

qui egressus est de loco isto:

Non revertetur huc amplius,

¹²sed in loco ad quem transtuli eum, ibi morietur,

et terram istam non videbit amplius.