Jeremiah 17:14–18

14 Sana me, Domine, et sanabor:

salvum me fac, et salvus ero:

quoniam laus mea tu es.

15 Ecce ipsi dicunt ad me:

Ubi est verbum Domini? veniat:

16 et ego non sum turbatus, te pastorem sequens:

et diem hominis non desideravi, tu scis:

quod egressum est de labiis meis, rectum in conspectu tuo fuit.

17 Non sis tu mihi formidini:

spes mea tu in die afflictionis.

18 Confundantur qui me persequuntur,

et non confundar ego:

paveant illi,

et non paveam ego:

induc super eos diem afflictionis,

et duplici contritione contere eos.