Jeremiah 14:7–9

⁷Si iniquitates nostræ responderint nobis, Domine,

fac propter nomen tuum:

quoniam multæ sunt aversiones nostræ:

tibi peccavimus.

⁸Exspectatio Israël,

salvator ejus in tempore tribulationis,

quare quasi colonus futurus es in terra,

et quasi viator declinans ad manendum?

⁹quare futurus es velut vir vagus,

ut fortis qui non potest salvare?

Tu autem in nobis es, Domine,

et nomen tuum invocatum est super nos:

ne derelinquas nos.