Jeremiah 13:12–14

¹²Dices ergo ad eos sermonem istum:

Hæc dicit Dominus Deus Israël:

Omnis laguncula implebitur vino.

Et dicent ad te:

Numquid ignoramus quia omnis laguncula implebitur vino?

¹³Et dices ad eos:

Hæc dicit Dominus:

Ecce ego implebo omnes habitatores terræ hujus,

et reges qui sedent de stirpe David super thronum ejus,

et sacerdotes, et prophetas,

et omnes habitatores Jerusalem, ebrietate.

¹⁴Et dispergam eos virum a fratre suo,

et patres et filios pariter, ait Dominus.

Non parcam, et non concedam:

neque miserebor, ut non disperdam eos.