Jeremiah 12:14–17

¹⁴Hæc dicit Dominus adversum omnes vicinos meos pessimos,

qui tangunt hæreditatem quam distribui populo meo Israël:

Ecce ego evellam eos de terra sua,

et domum Juda evellam de medio eorum.

¹⁵Et cum evulsero eos, convertar,

et miserebor eorum, et reducam eos:

virum ad hæreditatem suam,

et virum in terram suam.

¹⁶Et erit: si eruditi didicerint vias populi mei,

ut jurent in nomine meo: Vivit Dominus!

sicut docuerunt populum meum jurare in Baal,

ædificabuntur in medio populi mei.

¹⁷Quod si non audierint,

evellam gentem illam evulsione et perditione, ait Dominus.