Jeremiah 1:4–8

4 Et factum est verbum Domini ad me, dicens:

5 Priusquam te formarem in utero, novi te,

et antequam exires de vulva, sanctificavi te,

et prophetam in gentibus dedi te.

6 Et dixi:

A, a, a, Domine Deus, ecce nescio loqui,

quia puer ego sum.

7 Et dixit Dominus ad me:

Noli dicere: Puer sum:

quoniam ad omnia quæ mittam te ibis,

et universa quæcumque mandavero tibi loqueris.

8 Ne timeas a facie eorum,

quia tecum ego sum ut eruam te,

dicit Dominus.