¹⁹Scitis, fratres mei dilectissimi. Sit autem omnis homo velox ad audiendum: tardus autem ad loquendum, et tardus ad iram. ²⁰Ira enim viri justitiam Dei non operatur. ²¹Propter quod abjicientes omnem immunditiam, et abundantiam malitiæ, in mansuetudine suscipite insitum verbum, quod potest salvare animas vestras. ²²Estote autem factores verbi, et non auditores tantum: fallentes vosmetipsos. ²³Quia si quis auditor est verbi, et non factor, hic comparabitur viro consideranti vultum nativitatis suæ in speculo: ²⁴consideravit enim se, et abiit, et statim oblitus est qualis fuerit. ²⁵Qui autem perspexerit in legem perfectam libertatis, et permanserit in ea, non auditor obliviosus factus, sed factor operis: hic beatus in facto suo erit.

Read in Logos

James 1:22: But be doers of the word, and not hearers only, deceiving yourselves.

Public Domain