Isaiah 9:17–18

17 Propter hoc super adolescentulis ejus non lætabitur Dominus,

et pupillorum ejus et viduarum non miserebitur:

quia omnis hypocrita est et nequam,

et universum os locutum est stultitiam;

in omnibus his non est aversus furor ejus,

sed adhuc manus ejus extenta.

18 Succensa est enim quasi ignis impietas:

veprem et spinam vorabit,

et succendetur in densitate saltus,

et convolvetur superbia fumi.