Isaiah 57:14–16

¹⁴Et dicam: Viam facite, præbete iter; declinate de semita,

auferte offendicula de via populi mei.

¹⁵Quia hæc dicit Excelsus,

et Sublimis, habitans æternitatem, et sanctum nomen ejus:

in excelso et in sancto habitans,

et cum contrito et humili spiritu:

ut vivificet spiritum humilium,

et vivificet cor contritorum.

¹⁶Non enim in sempiternum litigabo,

neque usque ad finem irascar,

quia spiritus a facie mea egredietur,

et flatus ego faciam.