Isaiah 56:9–12

⁹Omnes bestiæ agri,

venite ad devorandum,

universæ bestiæ saltus.

¹⁰Speculatores ejus cæci omnes;

nescierunt universi:

canes muti non valentes latrare,

videntes vana, dormientes,

et amantes somnia.

¹¹Et canes imprudentissimi

nescierunt saturitatem;

ipsi pastores

ignoraverunt intelligentiam:

omnes in viam suam declinaverunt;

unusquisque ad avaritiam suam, a summo usque ad novissimum.

¹²Venite, sumamus vinum,

et impleamur ebrietate;

et erit sicut hodie, sic et cras,

et multo amplius.