Isaiah 56:6–8

6 Et filios advenæ, qui adhærent Domino,

ut colant eum, et diligant nomen ejus,

ut sint ei in servos;

omnem custodientem sabbatum ne polluat illud,

et tenentem fœdus meum;

7 adducam eos in montem sanctum meum,

et lætificabo eos in domo orationis meæ;

holocausta eorum et victimæ eorum placebunt mihi super altari meo,

quia domus mea domus orationis vocabitur

cunctis populis.

8 Ait Dominus Deus,

qui congregat dispersos Israël:

Adhuc congregabo ad eum

congregatos ejus.