Isaiah 51:5–8

⁵Prope est justus meus, egressus est salvator meus,

et brachia mea populos judicabunt;

me insulæ exspectabunt,

et brachium meum sustinebunt.

⁶Levate in cælum oculos vestros,

et videte sub terra deorsum:

quia cæli sicut fumus liquescent,

et terra sicut vestimentum atteretur,

et habitatores ejus sicut hæc interibunt:

salus autem mea in sempiternum erit,

et justitia mea non deficiet.

⁷Audite me, qui scitis justum,

populus meus, lex mea in corde eorum:

nolite timere opprobrium hominum,

et blasphemias eorum ne metuatis:

⁸sicut enim vestimentum, sic comedet eos vermis,

et sicut lanam, sic devorabit eos tinea:

salus autem mea in sempiternum erit,

et justitia mea in generationes generationum.