Isaiah 51:3–5

3 Consolabitur ergo Dominus Sion,

et consolabitur omnes ruinas ejus:

et ponet desertum ejus quasi delicias,

et solitudinem ejus quasi hortum Domini.

Gaudium et lætitia invenietur in ea,

gratiarum actio et vox laudis.

4 Attendite ad me, popule meus,

et tribus mea, me audite:

quia lex a me exiet,

et judicium meum in lucem populorum requiescet.

5 Prope est justus meus, egressus est salvator meus,

et brachia mea populos judicabunt;

me insulæ exspectabunt,

et brachium meum sustinebunt.