Isaiah 5:26–29

²⁶Et elevabit signum in nationibus procul,

et sibilabit ad eum de finibus terræ:

et ecce festinus velociter veniet.

²⁷Non est deficiens neque laborans in eo;

non dormitabit, neque dormiet;

neque solvetur cingulum renum ejus,

nec rumpetur corrigia calceamenti ejus.

²⁸Sagittæ ejus acutæ, et omnes arcus ejus extenti.

Ungulæ equorum ejus ut silex,

et rotæ ejus quasi impetus tempestatis.

²⁹Rugitus ejus ut leonis;

rugiet ut catuli leonum:

et frendet, et tenebit prædam,

et amplexabitur, et non erit qui eruat.