Isaiah 5:18–23

¹⁸Væ qui trahitis iniquitatem

in funiculis vanitatis,

et quasi vinculum plaustri peccatum!

¹⁹qui dicitis: Festinet,

et cito veniat opus ejus, ut videamus;

et appropiet, et veniat

consilium sancti Israël,

et sciemus illud!

²⁰Væ qui dicitis malum bonum,

et bonum malum;

ponentes tenebras lucem,

et lucem tenebras;

ponentes amarum in dulce,

et dulce in amarum!

²¹Væ qui sapientes estis in oculis vestris,

et coram vobismetipsis prudentes.

²²Væ qui potentes estis ad bibendum vinum,

et viri fortes ad miscendam ebrietatem!

²³qui justificatis impium pro muneribus,

et justitiam justi aufertis ab eo!