Isaiah 44:22–24

²²Delevi ut nubem iniquitates tuas,

et quasi nebulam peccata tua:

revertere ad me, quoniam redemi te.

²³Laudate, cæli, quoniam misericordiam fecit Dominus;

jubilate, extrema terræ;

resonate, montes, laudationem,

saltus et omne lignum ejus,

quoniam redemit Dominus Jacob,

et Israël gloriabitur.

²⁴Hæc dicit Dominus, redemptor tuus,

et formator tuus ex utero:

Ego sum Dominus, faciens omnia,

extendens cælos solus,

stabiliens terram, et nullus mecum;