Isaiah 43:10–13

¹⁰Vos testes mei, dicit Dominus,

et servus meus quem elegi:

ut sciatis, et credatis mihi,

et intelligatis quia ego ipse sum;

ante me non est formatus Deus,

et post me non erit.

¹¹Ego sum, ego sum Dominus,

et non est absque me salvator.

¹²Ego annuntiavi, et salvavi; auditum feci,

et non fuit in vobis alienus:

vos testes mei, dicit Dominus,

et ego Deus.

¹³Et ab initio ego ipse,

et non est qui de manu mea eruat.

Operabor, et quis avertet illud?